Esta segunda obra lida polo grupo de 3º da ESO foi compartida cos membros do club de lectura do IES Perdouro de Burela, A Xanela da Lectura. El rostro de la sombra de Gómez Cerdá prestábase, dado o seu argumento, a interesantes reflexións desde un punto de vista moral. En xeral, gustou moito, tanto no grupo dos de Burela como no noso.
O 30 de maio o noso centro desprazouse ata Burela en tren, onde fomos recibidos cos brazos abertos. Presentáronnos a súa biblioteca, que gozou de grande aceptación entre os membros do noso club e alí fixemos a reunión, cuxo diálogo, ao principio, foi guiado polas responsables dos dous clubs, pois os rapaces non sabían por onde empezar dada a lóxica timidez entre rapaces que se acaban de coñecer, pero tan pronto se foron sentido a gusto as reflexións xa foron máis interesantes e o debate foi un pouco máis animado.
Despois, xantamos todos xuntos, antes de marchar novamente en tren cara a Viveiro.
O ano que vén, seremos nós os anfitrións.
No hay comentarios:
Publicar un comentario